Last Updated on March 8, 2024 by Taariikh24
Shah Rukh Khan waa jilaa caan ah oo filimada Hindiga ah, filim soo saare iyo soo saare, Iyadoo ay ugu wacan tahay aqoonsigiisa weyn, waxaa si isdaba joog ah loogu yeeraa “King Khan” ama “King of Bollywood”, Shah Rukh Khan ayaa wax ka jilay in ka badan 80 filim oo Hindi ah, Caadi ahaan waxaa loo aqoonsan yahay inuu yahay mid ka mid ah xiddigaha ugu wanaagsan adduunka.
Shah Rukh Khan wuxuu dhashay Noofambar 2, 1965, Delhi, India, jilaa Hindi ah oo caan ku ah kasoo muuqashada shaashadaha, Wuxuu ahaa mid kamid ah jilayaasha loogu doonista badan yahay Bollywoodka, Aabihiis magaciisa waa Taj Mohammad Khan wuxuu ahaa halgama xorriyadda Hindiya oo kasoo jeeday Peshawar iyo hooyadii waxaa la oran jirey Lateef Fatima, Shah Rukh Khan waxa uu waqtigiisii caruurnimada ku qaatay Rajendra Nagar qayb ka tirsan New Delhi, Waxa uu dugsigiisa ku dhammaystay St. Columba’s School.
Shah Rukh Khan markii uu dugsigiisii dhammeeyey waxa uu wax ka bartay Hansraj College Delhi intii u dhaxaysay 1985-1988 oo uu ku qaatay shahaadada qalin-jabinta oo uu ku takhasusay dhaqaalaha, Khan wuxuu ka baxay daraasadaha tacliinta si uu u sii wato xirfaddiisa jilitaanka, Wuxuu fanka ku soo galay shaqada masraxa iyo telefishinka, Shaqadiisii ugu horeysay ee jilitaanka waxay ku jireen taxanayaal telefishin sida Fauji (1988, doorka kumaandooska) iyo Circus (1989) taas oo ku guulaysatay aqoonsi degdeg ah.
djammaadkii 1980-meeyadii, Shah Rukh Khan waxa uu bilaabay xirfaddiisa jilaanimo wuxuuna kasoo muuqday dhowr taxane oo talefishin ah, Markii ugu horeysay wuxuu kasoo muuqday isagoo atoore ah filimkii Deewana, kaasoo soo baxay sanadkii 1992-kii, isagoo sidoo kale ku guuleystay abaalmarinta Filmfare Award for Best Male Debut.
Noloshisii hore iyo qoyskiisa
Khan wuxuu ka dhashay qoys Muslim ah oo ku nool New Delhi, Wuxuu ku qaatay shantii sano ee ugu horeysay noloshiisa Mangalore, halkaas oo awoowgiis dhanka hooyada Iftikhar Axmed, uu ka ahaa injineerka guud ee dekeda 1960-meeyadii, Khan aabihiis Mir Taj Mohammed Khan wuxuu ahaa Dhaqdhaqaaqe madax-bannaanida Hindiya, Khan hooyadii Lateef Fatima waxay ahayd gabadh uu dhalay injineer sare oo dawladeed, Waalidkiis waxay is guursadeen 1959.
Khan ayaa bartiisa Twitter-ka ku sheegay inuu yahay “Hyderabadi (hooyo), Pathan (aabbe), iyo qaar Kashmiri ah (ayeeyo)”, Sida laga soo xigtay Khan awoowgiis, Mir Jan Muhammad Khan wuxuu ahaa qowmiyad Pashtun (Pathan) oo ka soo jeeda Afgaanistaan, Si kastaba ha ahaatee, ilma adeerkiis oo ku sugan Peshawar ayaa markii dambe caddeeyay in qoysku ku hadlo Hindko oo asal ahaan ka soo jeeda Kashmir, halkaas oo ay degeen Peshawar qarniyo ka hor, taas oo ka soo horjeeda sheegashada in awoowgiis uu ahaa Pashtun oo ka yimid Afgaanistaan.
Khan wuxuu ku koray xaafadda Rajendra Nagar ee New Delhi, Aabihii waxa uu lahaa dhowr meherado ganacsi oo ay ku jirto makhaayad, qoyskuna waxa ay ku noolaayeen nolol dabaqad dhexe ah guryo kiro ah, Khan waxa uu dhigtey dugsiga St. Columba ee bartamaha Delhi halkaas oo uu heer sare ka gaaray waxbarashadiisa iyo ciyaaraha sida kubbadda cagta, Markii hore Khan waxa uu damcay inuu sii wato xirfadda ciyaaraha, si kastaba ha ahaatee dhaawac garabka ka soo gaaray sannadihiisii hore ayaa la macno aheyd inuusan sii ciyaari Karin taa bedelkeeda, yaraantiisii wuxuu jili jiray masraxa wuxuuna ku helay ammaano ku dayashada jilayaasha Bollywood, mid ka mid ah asxaabtiisa caruurnimada iyo lamaanihiisa jilayaasha waxay ahayd Amrita Singh taasoo noqotay jilaa Bollywood ah.
Khan waxa uu iska diiwaan galiyay Hansraj College (1985–1988) si uu u kasbado shahaadada koowaad ee jaamacadda qeybta dhaqaalaha, laakiin waxa uu waqtigiisa in badan ku qaatay Delhi’s Theatre Action Group (TAG), Hansraj ka dib, waxa uu bilaabay in uu shahaadada mastarka ee mass communication ka Jamia Millia Islamia, laakiin waa uu ka tagay si uu u sii wato xirfadiisa jilida, Waxa kale oo uu dhiganayay National School of Drama ee Delhi intii lagu jiray xirfaddiisii hore ee Bollywood, Aabihii wuxuu u dhintay kansar sannadkii 1981, hooyadiina waxay u dhimatay dhibaatooyin ka dhashay cudurka macaanka sanadkii 1991, Ka dib dhimashadii waalidkii, walaashiis ka weyn Shahnaz Lalarukh (dhalatay 1960) waxaa ku dhacay xaalad niyad jab ah Khanna wuxuu qaaday mas’uuliyadda daryeelkeeda, Shahnaz waxay wali la nooshahay walaalkeed iyo qoyskiisa gurigooda Mumbai.
Wuxuu guursaday Gauri Chibber oo Punjabi Hindu ah, xaflad aroos dhaqameed Hinduuga ah ayaa loo qabtey 25 Oktoobar 1991 ka dib lix sano oo shukaansi ah, Waxay leeyihiin wiil lagu magacaabo Aryan (wuxuu dhashay 1997) iyo gabadh Suhana (dhashatay 2000), waxay noqdeen 2013 waalidka ilmo saddexaad oo lagu magacaabo AbRam, Labadiisa caruur ee waaweyn ayaa muujiyay xiisaha ay u qabaan gelitaanka madadaalada, Khan wuxuu sheegay in Aryan ka bartay filim samaynta USC School of Cinematic Arts ee California, uu rajaynayo inuu noqdo qoraa iyo agaasime, halka Suhana, oo aheyd kaaliyaha agaasimaha filimka Khan ee Zero (2018), ay ka baraneyso riwaayadaha iyo jilida NYU’s Tisch School of the Arts for higher education, Suhana waxay soo bandhigtay filimkeedii ugu horreeyay bishii Noofambar 2019, filim gaaban oo cinwaan looga dhigay “The Gray Part of Blue.”.
Sida laga soo xigtay Khan, isagoo aad u aaminsan diinta Islaamka, wuxuu sidoo kale qiimeeyaa diinta xaaskiisa, Carruurtiisu waxay raacaan labada diin.
Qaar ka mid ah filimadiisa
Markii hore guusha Khan waxay ku salaysnayd jilistiisa geesinimada lahaa ee filimkii Baazigar (1993 “Gambler”) iyo Darr (1993; “Fear”), si kastaba ha ahaatee wuxuu qaatay doorka atooraha wuxuuna ku guuleystay soo saarista blockbusters sida Dilwale dulhania le jayenge (1995 “The Big-hearted Will Take Away the Bride”), Karan Arjun (1995), Dil to pagal hai (1997 ; Qalbigu Waa Waalanyahay”), Kuch kuch hota hai (1998; Waxbaa dhacaya), Devdas (2002), Kal ho naa ho (2003 ), Veer-Zaara (2004), Chak de ! India (2007; “Go, India!”), My Name Is Khan (2010), iyo Jab tak hai jaan (2012; “Inta aan noolahay”).
Qaar badan oo ka mid ah filimadaas Khan ayaa ku jilay doorka jacaylka xasaasiga ah ama wiil, Waxa kale oo uu guulo ka gaadhay doorarka majaajilada ah ee filimada sida Chamatkar (1992; “Miracle”), Yes Boss (1997), Duplicate (1998), iyo Chennai Express (2013), Khan filimadiisii dambe ee Hit ka noqday waxaa ka mid ahaa Happy New Year (2014).
Shah Rukh Khan ayaa helay 14 abaal-marinta Filmfare Awards oo uu ku muteystay saameyntiisa aflaanta Hindiga, 8 ka mid ah waxaa uu ku helay qeybta atooraha ugu wanagsan.
Qaar ka mid ah abaalmarinadii uu ku guuleystay
Abaalmarinta Filmfare
- 1994: Jilaaga ugu Fiican filimkii Baazigar
- 1995: Abaalmarinta Jilaaga ugu Wanaagsan Kabhi Haan Kabhi Naa iyo laadarka ugu Wanaagsan filimkii Anjaam
- 1996: Jilaagii ugu wacnaa ee Dilwale Dulhania Le Jayenge
- 1998: Atooraha ugu Wanaagsan Dil To Pagal Hai
- 1999: Jilaaga ugu Wanaagsan Kuch Kuch Hota Hai
- 2001: Abaalmarinta Dhaleeceynta ee Jilaaga ugu Fiican Mohabbatein
- 2003: Jilaaga ugu fiican ee Devdas
- 2005: Jilaaga ugu Fiican Swades
- 2008: Jilaaga ugu wanaagsan Chak De India
- 2011: Jilaaga ugu wanaagsan filimkii my name is Khan
Abaalmarinada Dowladeed
- 2005: Padma Shri ee dawlada Hindiya
- 2014: Légion d’honneur ee Dowladda Faransiiska
- Waxa uu leeyahay abaal-marinno kale oo badan.
Xaqiiqooyin
| Naanaystiisa | SRK , King Khan, King of Romance, Baadshah |
| Dhashay | 2 November 1965 |
| Xirfadda | Actor, Producer |
| Jinsiyad | India |
| Goobta dhalashada | New Delhi, India |
| Diintiisa | Islam |
| Waxbarasho | Qualification: Masters degree in Mass Communications (Film making). School: St. Columba’s School, Delhi. College: Hansraj College, University of Delhi, Delhi Jamia Millia Islamia University, New Delhi |
| Markii ugu horeysay ee uu TV-ga kasoo muuqday | Fauji (1989) |
| Filimkii ugu horeeyay | Deewana (1992) |
| Xaaskiisa | Gauri Chibber |
| caruurtiisa | Aryan, Suhana iyo AbRam |
| walaalihiis | Waa hal gabar oo kaliya: Shehnaz Lalarukh Khan |
| Filmkii ugu dambeeyey | waa filmka Jawan oo la daawaday September 7, 2023 |
Discover more from Taariikh24
Subscribe to get the latest posts sent to your email.