Wax ka ogow sheekh Cabdiraxmaan Sudeysi

Last Updated on June 20, 2024 by Taariikh24

Sheekh Sudays waa mid ka mid ah Shakhsiyaadka ugu caansan Ummada Muslimka ah, waxaana ku dhawaad ​​qof kasta oo mu’min ah uu aqoonsan yahay oo uu jecelyahay codkiisa macaan, Sheikh Abdul Raxman Al Al-Sudeys waa Imaamka Sare iyo Khadiibka Masjid xaramka ee Makkah.

Waxa kale oo uu yahay Madaxweynaha Arrimaha Labada Masjid ee Barakaysan (GPH), isagoo darajada wasiir ka ah.

Sheekh Al-Sudeys oo magaciisa buuxa yahay Sheekh Cabdulraxmaan ibnu Cabdulcasiis waxa uu ku dhashay magaalada Al Bukayriyah gobolka Qassim ee dalka Sucuudiga sanadkii 1381-kii hijriyada oo ku beegnayd February 10, 1960, Wuxuu qabiil ahaan ka soo jeedaa qabiilka Anazzah.

waxbarashadiisa

Waxbarashadiisii ​​hore waxa uu ku qaatay magaalada Riyaad isaga oo 12 sano jir ah waxa uu xifdiyay quraanka oo dhan isaga oo uu ilaalinayay Sheikh Abdul Rehman Al Firyan .

Waxa uu wax ku bartay dugsiga hoose ee Al Muthana Bin Harith, ka dibna Machadka Sayniska ee Riyadh oo uu ka qalin jabiyay 1979kii, Shahaadada Shareecada ayuu ka qaatay Jaamacadda Riyaad 1983-kii, Masterkiisa wuxuu ka qaatay Kuliyadda Shareecada ee Imaam Muhammad bin Saud Islamic University 1987dii.

Wuxuuna ka qaatay shahaadada Ph.D. Shareecada Islaamka oo uu ka qaatay Jaamacadda Umm al-Qura 1995-tii.

Imaamka Xaramka

Sannadkii 1404-tii oo ku beegnayd 1984 ayaa loo magacaabay Imaamka Masjidka Xaramka isagoo aad u da’yar oo 23-jir ah, tan iyo xilligaas Sheekh Al-Sudeyswaxa uu hoggaaminayay Taraawiixda sannad kasta, sannadkii 1441-kii, waxa uu dhammaystay markii 40-aad ee Qur’aanka kariimka ah iyo akhrinta ducada Khatamul Qur’aanka.

Sannadkii 1433-kii oo ku beegnayd 8 May 2012 waxaa loo magacaabay Madaxweynaha Guud ee Arrimaha Xarameynka wareegto uu amray Alle ha u naxariistee Boqor Cabdallah wax yar ka hor inta aan la bilaabin ballaarinta weyn ee Masjid Al Haram.

Sheikh Abdul Rahman Al-Sudeys boqor Salmaan ayaa u magacaabay in uu soo guto khudbada waajibaadka xajka sanadki 2016/1437 ka dib, digreeto Boqortooyo oo uu soo saaray Mas’uulka Labada Masaajid ee Xaramka ayaa Sheekh Al-Sudeys waxa dib loogu magacaabay Madaxweynaha Guud muddo 4 sano ah sannadkii 1441kii, sidoo kale boqorka hadda jooga ayaa dib u magacaabay.

Sannadkii 1444-kii, Sheekh Al-Sudeys waxa uu dhammaystay 40 sano oo uu ahaa imaamka iyo Khateebka Masjid Al Haram, Makkah.

Sheikh Saud al-Shureym waxa uu la wadaagi jiray salaadaha taraawiixda laga soo bilaabo 1994 ilaa 2006, iyo mar kale 2014, 2019 iyo 2020 waxa loogu magac daray ” Mataanaha Xaramka”.

Aqoonsi

Sannadkii 2005-tii, waxa Guddida qabanqaabada Qur’aanka Kariimka ee Dubai International Holy Qur’an Award (DIHQA) ay u magacaabeen sannadkii 9-aad “Islamic Personality of the Year” iyadoo loo aqoonsanayo daacadnimadiisa Qur’aanka iyo Islaamka.

Aragtidiisa, bayaannada, ducada

wuxuu u duceeyay oo uu  ku wacdiyaa mawqif ku saabsan nabadda iyo xallinta khilaafaadka muslimiinta dhexdooda, wuxuu cambaareeyay sida loo la dhaqmayo Falastiiniyiinta, wuxuuna codsaday in gargaar dheeraad ah loo diro Falastiin, Sheekh Al-Sudeys waxa uu caan ku yahay codkiisa macaan iyo akhrinta Qur’aanka kariimka ah si waafaqsan Tajwiidka.

2010 ilaa 2012 waxa uu booqday India, Pakistan, Malaysia iyo Britain, waxqabadkiisa waxaa ka mid ahaa in uu siminaar ku qabtay machadka sare ee daraasaadka Islaamka ee Malaysia sanadkii 2011, halkaas oo uu kaga hadlay ilbaxnimada Islaamka.

2003, sheikh Sudeys waxa uu sheegay in uu aaminsan yahay in dhalinyarada loo baahan yahay in la baro shareecada Islaamka sida awaamiirta mamnuucidda isdilka iyo mamnuucidda weerarrada dadka aan Muslimiinta ahayn ee ku nool dalalka Islaamka.

Sheekh Sudeys ayaa sidoo kale caan ku ah khudbadaha uu ugu baaqayo dadka mu’miniinta ah inay caawiyaan muslimiinta kale ee ku nool gobollada ay dagaallada ka socdaan, waxa uu si firfircoon uga hadlay dhibaatada ay Falastiiniyiinta kala kulmaan maamulka Israa’iil, waxaanu ka codsaday in sahay caafimaad iyo cunto loo diro Falastiiniyiinta.

References:-

https://www.haramainsharifain.com/sheikh-abdul-rehman-al-sudais/

https://www.wikiwand.com/en/Abdul_Rahman_Al-Sudais